Phiri atemwa rasmi Simba

Klabu kongwe ya soka nchini Simba Sports Club, imemtangaza rasmi kocha mpya wa kukinoa kikosi hicho kuchukua nafasi ya kocha Mzambia Patrick Phiri, aliyedaiwa kukiuka baadhi ya vipengele vya mkataba wake, ikiwemo kuchelewa kufika Klabuni kuiandaa timu.

Kwa mujibu wa katibu Mkuu wa Klabu hiyo Evodius Mtawala, kikao cha kamati kuu ya Klabu hiyo kimeamua kumtangaza kocha raia wa Serbia Milovan Sikovic, na kumkabidhi kibarua chenye mkataba wa miaka miwili kuifundisha Simba.

Amesema kutokana na kazi nzuri pia ushirikiano mzuri aliouonyesha kocha wa zamani Phiri, wameamua kumtumia barua ya kumuomba aandike barua ya kusitisha mkataba wake, ili isionekane Simba wamemfuta kazi, kwa lengo la kulinda heshima yake katika soka.

‘Kikao cha kamati kuu kimemwomba aandike barua ya kuterminate mkataba wake, ili suala hilo lisipelekwe FIFA na kumuharibia CV yake,’ amesema Mtawala

Simba kwa sasa inajifua chini kocha msaidizi Sule Said Mziray huko Zanzibar katika mazozi ya kujiandaa na msimu mpya wa Ligi, utakaotanguliwa na mechi ya ufunguzi ya ngao ya hisani dhidi ya wapinzani wake Yanga.

This text will be replaced by the flash music player.